ಸಾವೇ ನೀನೆಷ್ಟು ಕ್ರೂರಿ ?

ಹೊಗಲೇಬೆಕಾದ ತುರ್ತು ಅನಿವಾರ್ಯ
ಒತ್ತಡ ನಿರೀಕ್ಷೆಯ ನಂತರ
ತುಂಬಿಕೊಂಡು ಬಂದ ಬಸ್ಸನ್ನು ತರಾತುರಿಯಿಂದೆರುವ
ತವಕದ ಗಡಿಬಿಡಿಯ ಜನಸಂಮರ್ದದಲ್ಲೂ
ಒತ್ತಾಯದಿಂದ ನೂಕುತ್ತಲೇ ಏರಿದ
ನನ್ನೊಂದಿಗಿನ ಸಹ ಪ್ರಯಾಣಿಕ
ಆಯುಷ್ಯದಲ್ಲಿನ ಒಂದಷ್ಟು ಹೊತ್ತು
ದಟ್ಟಣೆಯ ಪ್ರಯಾಣ ಪ್ರಯಾಸದಲ್ಲೂ
ಬೆವರಿ ಬಸವಳಿದ ನನಗೆ ಚಾಕಲೆತೊಂದನ್ನು
ಕೊಟ್ಟು ಮುಖದಲ್ಲಿ ನಗೆ ಚಿಮ್ಮಿಸಿ
ಆಯಾಸ ಮರೆಸಿ ಉತ್ಸಾಹ ಬರಿಸಿ
ಬಸ್ಸಿಳಿದು ಟಾಟಾ ಹೇಳಿ ಹೋದದ್ದನ್ನು
ಮರುದಿನ ಟೀ ಸಮಯದಲ್ಲಿ ನೆನಪಿಸುತ್ತಾ
ದಿನಪತ್ರಿಕೆ ಪುಟ ತಿರುವಿದಾಗ
ಅಚ್ಚಾದ ನಿನ್ನ ನಗುಮೊಗ ಕಂಡಿತಷ್ಟೇ !
ಆಘಾತಕರ ಸುದ್ದಿ
ಆಕಸ್ಮಿಕ ಮರಣದಿಂದ ಉಂಟಾದ
ಅಗಲಿಕೆಯ ನೋವು ಭರಿಸುವ ಶಕ್ತಿ
ಪರಮಾತ್ಮ ನೀಡಲಿ !
ನನ್ನೊಂದಿಗಿನ ಅಲ್ಪ ಸಮಯ
ಪ್ರಯಾಣದ ನೆನಪೇ ಮನದಾಳದಿ ಅಚ್ಚೋತ್ತಿರುವಾಗ
ಇನ್ನು ಹೆತ್ತವರ ಒಡಹುಟ್ಟಿದವರ
ನೆನಪಿನಳಲು ಎಷ್ಟಿರಬೇಡ ?ಸವೀ ! ನೀನೆಷ್ಟು ಕ್ರೂರಿ ನಿಷ್ಕರುಣಿ ?
ನಿನ್ನ ಟಾಟಾ ಹೇಳಿಕೆಯ ನಗುಮೊಗವನ್ನೇ
ಬಾಳೆಲ್ಲ ನಾನು ನೆನಪಿಸುವಂತೆ ಮಾಡಿದ
ಸಾವೇ ನೀನೆಷ್ಟು ಕ್ರೂರಿ ? ನಿಷ್ಕರುಣಿ ?